"ბარსელონას" 20 წლის კანტერანოს სასწაულებრიბი ზაფხული გრძელდება. თავდაპირველად მან ახალგაზრდული ევროპის ჩემპიონატი მოიგო, ახლა კი პრე–სეზონის მატჩებში ბწრყინავს.

გუშინ კი ტიაგო ალკანტარამ კიდევ ერთი გოლ–შედევრი შეასრულა "მანჩესტერის" კარში და დავიდ დე ხეას მხოლოდ ბურთზე თვალის გაყოლების საშუალება მისცა.

"ტიაგოს ახლა ისეთი პერიოდი აქვს, რომ რასაც კი ის შეეხება ოქროდ იქცევა. ყველა მისი დარტყმული გოლად იქცევა" – კმაყოფილია პეპ გვარდიოლა.

"ჩვენ არ უნდა ვიჩქაროთ, ყველაფერი თანდათან უნდა მოხდეს. უსიტყვოდ ის ძლიერი ფეხბურთელია, რადგან უკვე პირველი გუნდის წევრია. ყველაფერთან ერთად ის ძალიან ახალგაზრდაა, რაც იმას ნიშნავს, რომ გააჩნია პროგრესის უდიდესი შესაძლებლობა" – დაასრულა გვარდიოლამ.

გასულ სეზონში, ჩემპიონთა ლიგის პირველი ნახევარ–ფინალური მატჩის დასრულების შემდეგ, სადაც ერთამენთს მადრიდის "რეალი" და კატალონიის "ბარსელონა" ხვდებოდნენ, მადრიდელთა მთავარმა მწვრთნელმა, ჟოზე მოურინიომ მწვავე განცხადება გააკეთა. პორტუგალიელმა სპეციალისტმა "უეფა" "ბარსელონასთან" მიკერძოებულობაში დაადანაშაულა და ამის ერთ–ერთ მიზეზად კატალონიური გრანდისა და "უნისეფის" თანამშრომლობაც დაასახელა. შედეგად ევროპული ფეხბურთის უმაღლესმა უწყებამ მოურინიოს ჩემპიონთა ლიგაზე ხუთ მატჩიანი დისკვალიფიკაცია მიუსაჯა და დამატებით, ჯარიმის სახით 50'000 ევროს გადახდა დააკისრა.

მოურინიომ "უეფას" გადაწყვეტილება გაასაჩივრა. გუშინ დისციპლინარულ კომიტეტში მადრიდელთა მთავარ მწვრთნელს ექვს საათიანი დაკითხვა მოუწყეს. მოსმენის შემდეგ "უეფამ" მიიღო გადაწყვეტილება, 5 მატჩიანი დისკვალიფიკაციის 3 მატჩამდე შემცირების შესახებ ... კითხვის გაგრძელება »

ალბათ მიხვდით, თუ რის შესახებაა ეს სტატია. მინდა შემოგთავაზოთ ძალიან სახალისო ვიდეო "ბარსას" ამერიკელ ფანებზე, რომლებსაც ძალიან გაუმართლათ და საშუალება მიეცათ, რომ საკუთარი თვალებით ენახათ ისეთი ფეხბურთელები, როგორებიცაა პიკე, ჩავი, ვილია... რა თქმა უნდა საუბარი იმაზე, რომ ისინი ძალიან ბედნიერები იყვნენ ზედმეტია. იხილეთ ვიდეო:

ამხანაგური მატჩი, რომელიც ამერიკაში "ბარსელონასა" და "მანჩესტერ იუნაიტედს" შორის გაიმართა ინგლისელების გამარჯვებით დასრულდა. მატჩში ანგარიში ლუიშ ნანიმ, 22-ე წუთზე გახსნა. 70-ე წუთზე ტიაგო ალკანტარამ კიდევ ერთი შედევრი შემოგვთავაზა და მატჩში ანგარიში გაათანაბრა. აღსანიშნია ისიც, რომ მიმდინარე პრე-სეზონში "ბარსას" 5 გატანილი გოლიდან 4 ტიაგოს ანგარიშზეა. მატჩის საბოლოო ანგარიში 76-ე წუთზე მაიკლ ოუენმა დააფიქსირი. ყველაფერი კი იმით დაიწყო, რომ სერხი ბუსკეტსმა მოედნის ცენტში არაზუსტი გადაცემა გააკეთა, რის შემდეგაც "მანკუნიანელებმა" ისარგებელს "ბლაუგრანას" დაცვის დაბნეულობით და საბოლოო ანგარიში, 2:1 დააფიქსირეს. მატჩის 44-ე წუთზე კუნთის ტრავმა მიიღო ჰოლანდიელმა ფეხბურთელმა, იბრაჰიმ აფელაიმ.

"მსოფლიოს საუკეთესო კლუბი" – დაიძახა ერთ–ერთმა გულშემატკივარმა "ფედეკს სტედიუმზე" მას შემდეგ, რაც ნახევარი საათის განმავლობაში ფეხბურთელები ხელს აწერდნენ მაისურებს, ბურთებს და დროშებს. სამწუხაროდ ფეხბურთელები უკვე გასახდელში იყვნენ გასულები და ეს შეძახილი ვერ გაიგეს.

დაახლოებით 5.000 გულშემატკივარი შეიკრიბა, რათა ენახათ ღია ვარჯიში "ბარსელონას" და "მანჩესტერის", რომელმაც მეცადინეობა კატალონიელთა სტადიონზე მისვლამდე დაასრულა. გულშემატკივრების უმეტესობა "ბარსელონას" ფორმასა და ფერებში იყო გამოწყობილი. "ბარსამ" ვარჯიში სტადიონის ყველა კუთხეში ჩაატარა, რათა ნებისმიერ სექტორში მჯდომ გულშემატკივარს ენახა საყვარელი ფეხბურთელები.