|
მთავარი » 2012 » იანვარი » 11
კატალონიის "ბარსელონას" მცველი დანიელ ალვეში ესპანეთის თასის მატჩში "ოსასუნასთან" არ ითამაშებს.
როგორც გაირკვა, ბრაზილიელმა ფეხბურთელმა გუნდის დღევანდელ ვარჯიშზე მარჯვენა ფეხი დაიზიანა.
გამომდინარე აქედან, კატალონიური კლუბის ხელმძღვანელობამ გადაწყვიტა 25 წლის მცველის ჯანმრთელობით არ გარისკოს და "ოსასუნასთან" მატჩში დაასვენოს.
Attachments: |
მადრიდის "რეალის" ნახევარმცველი, ჩაბი ალონსო გახარებულია "მალაგას" დამარცხებით და აცხადებს, რომ მისი გუნდი მზადაა "ელ კლასიკოსათვის":
" ბარსელონას" ჯერ კიდევ არ უთამაშია განმეორებითი მატჩი, მაგრამ ჩვენ უკვე ველოდებით მათ 1/4 ფინალში. ჩვენ პატივს ვცემთ კატალონიურ კლუბს და გვსიამოვნებს, რომ კიდევ მოგვიწევს მათთან თამაში."
"არ მთხოვოთ "ბარსასა" "რეალის" შედარება. ეს წელი ჩვენ 3 გამარჯვებით დავიწყეთ და რა ხდება სხვა კლუბში არ მაინტერესებს," განაცხადა ალონსომ.
Attachments: |
ბრაზილიელი ნეიმარი ბარსელონაში "ნაიკის" სარეკლამო რგოლის გადაღებებზე იმყოფებოდა. გადაღებები "ელ პრატის" აეროპორტის მიმდებარე ტერიტორიაზე შედგა. მთავარი ისაა, რომ ერთ-ერთი შესვენების დროს ახალგაზრდა ფეხბურთელი "ბარსელონას" წარმომადგენელს, რაულ სანლიეჰის შეხვდა.
სამშობლოში გამგზავრებამდე ნეიმარმა მცირე კომენტარი გააკეთა პრესის წარმომადგენლებთან და ხაზი გაუსვა იმ ფაქტს, რომ იგი "სანტოსის" კუთვნილებაა. "მე "სანტოსის" ფეხბურთელი ვარ. მართალია, რომ ალვესი ძალიან ბევრს მესაუბრება "ბარსელონას" შესახებ, თუმცა ანალოგიურად იქცევა მარსელო, რომელიც "რეალს" უწევს პროპაგანდას."
ნეიმარი ბარსელონაში სამშაბათს დილით ჩავიდა და ქვეყანა იმ დღესვე, "ნაიკის" სარეკლამო რგოლის გადაღების დასრულების შემდეგ დატოვა. აღსანიშნავია, რომ ბრაზილიელი ტალანტი "ბარსას" წარმომადგენლებს ციურიხში გამართულ "ფიფას" გალა დაჯილდოვებისას შეხვდა და მათთან საკმაოდ თბილი და სასიამოვნო საუბარი ჰქონდა.
...
კითხვის გაგრძელება »
Attachments: |
ბრაზილიერელმა მარცხენა მცველმა მაქსველმა შესაძლოა ესპანური "ბარსელონა" დატოვოს. ფრანგული გიგანტი "პსჟ"-კი მზადაა იგი იანვრის სატრანსფერო ფანჯრის დროს დაიმატოს.
ლიგა 1-ის სათავეში მყოფნი დაცვის გაძლიერებას ცდილობენ. მათი კიდევ ერთი სამიზნე კი "პალერმოს" ფეხბურთელი "ფედერიკო ბალზარეტი" გახლავთ.
თუმცა, მათი მთავარი ყურადღება ახლა 30 წლის ბრაზილიელისკენაა მიპყრობილი, რომელიც ზამთრის სატრანსფერო ფანჯრის დროს ყველაზე მნიშვნელოვანი სამიზნე იქნება.
ყოფილ "ინტერის" და "აიაქსის" ფეხბურთელს პორტუგალიის "ბენფიკასაც" უკავშირებდნენ, თუმცა პარიზელებს სჯერათ, რომ ბრაზილიელი მცველი ფრანგებს მიანიჭებს უპირატესობას და უახლოეს დღეებში დაიმატებენ მას.
შეგახსენებთ, რომ მაქსველი "ნოუკამპზე" 2009 წელს გადაბარგდა და საერთო ჯამში 89 მატჩი ჩაატარა "ბარსას" მაისურით.
Attachments: |
|
|
|
|
