რეალის" წარმომადგენლები მოლაპარაკებებს აწარმოებენ მადრიდის ადმინისტრაციასთან იმ ადგილთან დაკავშირებით, სადაც "სამეფო კლუბის" გულშემატკივრებს ესპანეთის სუპერთასის ფინალში "ბარსელონას" დამარცხების აღნიშვნა შეეძლებათ.

საქმე ისაა, რომ რომის პაპის ვიზიტის გამო, ის ადგილი, სადაც მადრიდელები ტრადიციულად აღნიშნავენ გამარჯვებებს, დაკეტილია. ასევე მანქანებისთვის დაკეტილი იქნება მადრიდის ცენტრალური ქუჩების ნაწილი. ეს ყველაფერი კი იმითაა გამოწვეული, რომ ესპანეთის დედაქალაქს მილიონზე მეტი კათოლიკე სტუმრობს.

ქალაქის მთავრობამ გულშემატკივრებს მოუწოდა, რომ აღნიშნულ საკითხს გაგებით მოეკიდნონ და განაცხადა, რომ ტრადიციული ზეიმის გამართვა "სიბელესზე" ვერ მოხერხდება. თუმცა უნდა აღინიშნოს, რომ მერია გულშემატკივრებისთვის ალტერნატიული ადგილების შეთავაზებას აპირებს.

შეგახსენებთ, რომ ესპანეთის სუპერთასის საპასუხო და გადამწყვეტი შეხვედრა დღეს (თბილისის დროით ღამის 1:00 საათზე) ბარსელონაში გაიმართება. პირველი დაპირისპირება გუნდებს შორის დასრულდა ფრედ, 2:2.